كسر القلوب ببساطه
ده التريند اللى نازل بقاله فتره ومضايقنى
وهو عباره عن الفنان المحترم محمد فؤاد حب ينتقم لكل ضيوف المزيعه بسمه فقال يغنى اغنيه عن الفراق علشان يقطع قلبها على اولادها
مشكلتي مش بس أن الفنان شايفها من ساعه ما بدء الاغنيه هى بتتقطع قدامه وبتعيط وتقوله كفايه وهو بيضحك ومبسوط ومكمل وهو شايفها مكسوره موجوعه قدامه
مشكلتي فى البوستات والكومنتات اللى ماليه السوشيال ميديا عن قد ايه الناس مبسوطين فيها وأنهم كانوا بيضحكوا عليها ولا كأنه مشهد كوميدى واللى يقولك انا قعدت اضحك عليها واللى يقولك احسن وأشياء من هذا القبيل

سؤالى
للدرجادى بقينا بنفرح لما نشوف وجع والم غيرنا
للدرجادى مبقاش عندنا اى رحمه فى قلوبنا واللى يبسطنا كسر القلوب ولا اتأثرنا ببرنامج رامز وبقينا بنفرح لما نشوف ألم حد تانى
للدرجادى أصبحت قلوبنا قلوب حجريه مليانه بالقسوه وأصبحت الرحمه كلمة فقط داخل الكتب الدينيه وليس لها وجود فى هذا العالم
ارحموا فترحموا

"فَكُونُوا رُحَمَاءَ كَمَا أَنَّ أَبَاكُمْ أَيْضًا رَحِيمٌ." (لوقا 6: 36)